Супер Распуст во Банско

13.01 - 18.01.2027

 Зимска магија за децата, време за уживање за родителите

Специјално креиран детски камп за деца на возраст од 7 до 15 години, кој нуди богата, забавна и едукативна програма со фокус на скијање, дружба и незаборавни зимски искуства. Нашата мисија е секое дете да го помине својот зимски распуст на најубав можен начин – во безбедна, весела и мотивирачка средина, опкружено со нови пријатели и под постојан надзор на искусен и посветен тим.

Локација – Банско, Бугарија Кампот се одржува во еден од најубавите зимски центри на Балканот – Банско, кој нуди одлични услови за скијање, модерни скијачки патеки и врвна инфраструктура. Децата се сместени во Hotel Mountain Paradise by the Walnut Trees 4* и Hotel Sunrise 4*, со удобни соби и сите потребни содржини за пријатен престој. Хотелите се одбрани според највисоки стандарди на безбедност и хигиена, и секогаш во близина на ски-станицата.

Програма – Скијање, забава и нови вештини - Нашата програма е внимателно осмислена за да одговара и на:

• Почетници – деца кои првпат застануваат на скии, со постепено воведување и индивидуален пристап
• Искусни скијачи – деца кои сакаат да ја подобрат својата техника и да уживаат во предизвикувачки патеки

Секој ден вклучува скијачки часови со лиценцирани инструктори, кои имаат долгогодишно искуство во работа со деца. Групите се мали за да се обезбеди максимално внимание на секој учесник. 

Забавен дел од програмата Wonder Супер Распуст не е само скијање – тоа е комбинација од спорт, дружба и креативни активности. Вечерите се резервирани за: игри и тимски натпревари, креативни работилници, караоке вечери, маскенбал, тематски забави во хотелот. Овие активности помагаат децата да се отворат, да стекнат самодоверба, да развијат нови пријателства и да научат да работат во тим.

Придобивки за вашето дете:

Учеството на вашето дете на Wonder Супер Распуст значи:

• Развој на спортски вештини и љубов кон природата
• Стекнување нови пријателства и подобрување на комуникациските вештини
• Подобрување на самодовербата и независноста
• Воспоставување на здрави навики и активен стил на живот
• Многу насмевки, забава и незаборавни спомени

За родителите: Wonder Супер Распуст не е само незаборавно доживување за децата – тоа е и идеална можност за родителите да си подарат сопствен зимски одмор. Додека вашите деца се целосно вклучени во нашата богата дневна програма, под постојан надзор на искусниот тим 24/7, вие можете безгрижно да уживате во скијање, спа, прошетки или едноставно во мирот на планината.
 

Цената вклучува:

• 5 ноќевања во 4* хотел со два оброци дневно (појадок и вечера – шведска маса)
• Програма со едукативни и забавни активности
• Групни ски инструктори за почетници
• Трансфер до гондола
• Спа центар во рамките на хотелот
• Професионални тренери
• Доктор достапен 24 часа
• Туристичка такса

Цената не вклучува: 

• Превоз до Банско (повртатна карта 45 ЕУР)
• Ски карта
• Ски опрема
• Патничко осигурување
   
  Важна напомена: 
• Пасошот мора да има важност од минумум 90 дена од влегување во земја од Шенген Зона
• Секој патник мора да има валидно патничко осигурување
• 30% депозит е потребно да се уплати со цел резервацијата да биде валидна
• Плаќањета извршени во денари ќе се сметаат по курсот 1 ЕУР = 62 МКД.
• Доктор достапен 24 часа
• Со пополнување на апликација се согласувате со општите услови на Wonder Camp
• Часовите за почетници се со времетраење од 2,5 до 3 часа
• Доколку протоколите налагаат дека не може да се патува следува целосен повраток на средствата 
   
   

ПРОГРАМА:
 
 Прв ден: поаѓање во 07:30ч. од договорено место. Предвидено пристигнување и сместување во хотелот околу 15:00ч. Во 18:00ч. состанок со групата и запознавање со активностите за следниот ден. Вечера во хотелот во 19:00ч.
 
 Втор – петти ден: Појадок во 08:00ч. Времето за скијање започнува во 09:30ч. Во 12:00ч. е поаѓањето на групата почетници и пристигање на ски патеките. Скијање од 2,5 – 3 часа. За напредните скијачи следува пауза од 30 мин.. Во 15:30ч собир на цела група и поаѓање према хотел. Време предвидено за одмор до вечерата во 18:30ч. Во 20:00ч. започнуваат ечерни забавни активности и прошетка низ центарот.. Во 10:30ч. припрема за спиење ( сите во соба ).
 
 Шести ден: Појадок од 08 – 09:00ч. Напуштање на хотелот во 09:30 и по аѓање кон Македонија во 10:00ч.
 
 Незаборани активности на кампот

На Wonder Зимскиот Камп во Банско, секој момент е осмислен за да им помогне на децата не само да уживаат, туку и да растат – физички, емоционално и социјално.

Скијање – спорт кој гради самодоверба и дисциплина

• За почетници: Безбедно и постепено воведување во светот на скијањето, со индивидуален пристап кон секое дете.
• За поискусни: Усовршување на техниката, предизвикувачки патеки и развивање на спортски дух.

Секојдневните часови со лиценцирани инструктори не се само вежбање – тие учат на упорност, концентрација и поставување цели. Мали групи значат поголемо внимание и брз напредок.

 Развој преку забава

Нашата програма е внимателно избалансирана со активности кои влијаат на различни аспекти од развојот на детето:

• Тимски игри и натпревари – ја поттикнуваат соработката, лидерството и почитувањето на другите.
• Креативни работилници – развиваат имагинација, фина моторика и способност за решавање проблеми.
• Караоке и маскенбал – им даваат храброст да се изразат пред други, градат самодоверба и креативност.
• Тематски забави – носат радост и чувство на заедништво.

Што добива секое дете?

• Поголема самостојност – учат да се грижат за својата опрема и дневни активности.
• Социјални вештини – запознаваат нови пријатели и учат како да се вклопат во група.
• Физичка кондиција – активен престој на чист планински воздух.
• Позитивни емоции и спомени – моменти кои ќе ги раскажуваат долго потоа.

 Безбедноста како приоритет на детските кампови 

Во современото општество, кога родителите се соочуваат со сè побрзо секојдневие и се повеќе бараат активности што ќе им помогнат на децата да развиваат нови вештини и социјални односи, детските кампови стануваат сè попопуларен избор. Но, и покрај тоа што забава, учење и авантура се клучни аспекти на секој камп, сигурноста секогаш мора да биде највисок приоритет.

Физичка сигурност: Безбедна средина за игра и учење

Првиот чекор во обезбедување безбеден камп е избор на соодветна локација. Камповите треба да се наоѓаат во безбедна околина, далеку од сообраќаен метеж, опасни терени или индустриски зони. Објектите мора да бидат регуларно проверувани, да поседуваат основна противпожарна и прва помош опрема, како и јасно означени излези за евакуација.

Покрај тоа, активностите во кампот – било да се работи за спорт, водени активности или планинарење – мора да бидат внимателно надгледувани од обучени инструктори со познавање од безбедносни процедури.

Психолошка сигурност: Камп во кој секое дете се чувствува прифатено

Психолошката сигурност е исто така клучна. Децата треба да се чувствуваат безбедно, поддржано и охрабрено да се изразат без страв од осуда или исмејување. Обуката на персоналот треба да вклучува препознавање на знаци на анксиозност, стрес или булинг, како и техники за креирање пријателска и инклузивна атмосфера.

Обука и сертификација на персоналот

Обезбедување квалитетна обука за тимот е суштински елемент во секој успешен камп. Одговорните лица мора да имаат:

• Завршено основно ниво на прва помош и CPR обука,
• Обука за работа со деца,
• Познавање на психолошка прва помош и основи на детска психологија.

Секој камп треба да има јасна политика за реагирање во итни ситуации, комуникација со родителите и евиденција на медицинските потреби на секое дете (алергии, хронични заболувања, итн.).